الجمعة، 18 سبتمبر، 2009

طبخ الكوارع والممبار

الكوارع وفته الكوارع


ده شكل الكوارع مقطعه ومغسولة وبصراحه أنا بجبها نظيفه جاهزة
بغسلها بدقيق وملح للاحتياط
بضع التوابل التاليه
2عود قرفه(دارسين)
ورق لورا
قرنفل(مسمار)
فلفل اسود
ملح
جنزبيل ناعم رشه خفيفه
بصله مقطعه اربعه


الطريقه

نضع الحله على نار بداخلها ماء لحد الغليان وبعدين نضيف الكوارع اوالمقادم مع كل التوابل السابقه


تترك على النار حوالى من ساعتين الى ثلاثه ساعات حسب الحجم

تعالو نجهز الفته

انا بحمس العيش البلدى المقطع مع ملعقه سمنه بلدى و2 فص ثوم مهروس تتحمس اما على النار او فى الفرن


وبعدين نسخن الطاسه ونضع فيها ملعقه سمنه وبعدين الثوم مع رشه خفيفه كسبره ناعمه

حتى يحمر الثوم وبعدين نضيف 2 ملعقه خل وبعده كده نضيف الطماطم المعصوره حوالى حبتين
حتى تتسبك
ناخد 2 ملعقه من الصلصه نضفها على العيش المحمص ونقلبها وبعدين نضيف شوربه الكوارع


نغطيها ونتركها جانبا لمده بسيطه حتى يتشرب العيش من الشربه
ونغطى طبق الفته بالارز الابيض
وباقى الصلصه مع شويه شوربه(كبشه فقط)نغليها مع بعض ونضفها فوق الارز




الكوارع طبعا استوت كويس علشان تكون لذيذه نطلعها من الشوربه ونصفيها وبعدين نحمرها
فى 2 ملعقه سمنه بلدى

وده شكلها النهااائى يا رب تعجبكم


دلوقتى هنعمل الممبار او الفوراغ او الامعااااء
بعد الغسيل والكحت والنقع فى الملح والخل


الحشوه تختلف من شخص لاخر انا احب لما تكون الممبار ضانى ان يدخل فى الحشو لحمه مفرومه وقليل من الطماطم المقطعه مكعبات
انما فى الممبار البقرى
خليط من الطماطم المسبكه او صلصه
بصل مقطع
شبت + بقدونس+كسبره+فلفل اخضر
ارز مصرى غير منقوع
طماطم مقطعه مكعبات صغيره
زيت
شطه+ملح+فلفل+اى توافل تفضليها على خلطه المحشى

((كيلو نصف ممبار معها حوالى 3 كيلو ارز))



نخلط كل المكونات مع بعضها ونبتدى فى حشو الممبار بعد تقطيعه الى الطول المناسب
انا مش بربط الممبار لانه اول ما بينزل فى الماء بيقفل من الاطراف


طبعا ده جزء من الممبار


نضعه فى الماء المغلى مع اضافه الملح


نتركه حتى ينضج تقريبا ساعه الا ربع
نطلع الممبار من الحله ونحطه فى مصفى حتى ينشف تماماا من الماء
مهمه الخطوه دى علشان التحمير


نحمر الممبار فى زيت ساخن من كل الجوانب حتى يكتسب اللون الذهبى
ونطلعه على ورق مطبخ حتى يمتص الزيت الزائد
وده شكله النهائى


وده من الداخل احمر وفى نفس الوقت طرى من الطماطم المقطعه والبصل


هناك تعليق واحد:

  1. روووووووووووووووووعة تسلم الايادي

    ردحذف